तनहुँ माघ १३राष्ट्रिय जनगणना २०७८ अनुसार तनहुँको जनसंख्या ३ लाख २७ हजार ६ सय २० पुगेको छ । राष्ट्रिय जनगणना २०७८ को नतिजा अनुसार २०६८ को तुलनामा यसपटक जनसंख्या करीब १.३ प्रतिशतले बढेको छ । २०६८ सालको जनगणनामा तनहुँको जनसंख्या ३ लाख २३ हजार २ सय ८८ थियो । जिल्लामा जनसंख्या वृद्धि दर वार्षिक ०.१३ छ ।
तनहुँमा ५३.३३ प्रतिशत महिला र ४६.६७ प्रतिशत पुरुष जनसंख्या छ । जसमा १ लाख ७४ हजार ६ सय ९९ महिला र १ लाख ५२ हजार ९ सय २१ पुरुषको जनसंख्या रहेको केन्द्रिय तथ्यांक विभागले जारी गरेको प्रारम्भिक नतिजामा उल्लेख छ ।
त्यस्तै जिल्लामा जनगणना घर ८१ हजार ६ सय ४७ रहेको छ भने ९३ हजार १ सय ७३ कुल परिवार संख्या रहेको तथ्यांकमा उल्लेख छ । जिल्लामा लैंगिक अनुपात ८७.५३ रहेको छ ।
यस्तै तनहुँका १.७७ प्रतिशत जनसंख्या (विदेशमा) रहेको देखिन्छ । जसअनुसार ३८ हजार ४ सय ४० जना विदेशमा रहेको तथ्याङ्कमा उल्लेख छ । जसमा ३४ हजत १ सय ५४ जना पुरुष र ४ हजत २ सय ८६ जना महिला रहेका छन् ।
